dr Uftrag vo JESUS

Hie geiz um die letschte wort vo JESUS. Är redet z leschte mau zu sine Jünger bevor är näre ih Hiummu zu sim Vater geit. Das läsemer am ändi vo de Evanggelie, z.B. im Matthäus 28,18-20. JESUS git dert rächt konkreti Ahwisige was sini nachfouger z mache heii. Ih dänke das dä Uftrag grundsätzlech für Aui Lüüt wo JESUS nachfouge zeut. Es isch aber natürlech so dasses sehr viu verschiedeni Forme git wime das cha Umsetze uh ih bi überzügt das aui Arte sehr wichtig si und zum ganze derzue ghöre.

Scho sit chliin uf bini immmer mit dr Jungschi verbundä gsi. Am Ahfang aus Teilnähmer uh chli speter de aus Minileiter uh näre plötzlech bini säuber Leiter gsi. Genau die Bibusteu het mi derzue bewegt säuber aus Jungschileiter ahzfah. Mir aus Jungschi ghöre zum BESJ das isch ä Schwiizwiite "Verband" wo d Jungschis verbindet uh viu Kurse ahbietet. D Besj-Mission auso dr Leitfade wo säch

dr Besj dranne orientiert dräitsech starch ume Mat. 28.

Das isch sicher ei Form wime die Bibusteu cha wahrnäh. Weme dr Text aber chli gneuer ahluegt gsehtmä schnäu das JESUS oh seit mir Söue zu aune Völker gah. Das het mi Motivieret no ä angeri Kultur kenne z lehre. Und onno chli ih ds Usland z gah. Und dert d liebi vo Gott gah wiiterzgäh.